मन्त्रिपरिषद्को पछिल्लो बैठकले वैदेशिक ऋृण स्वीकृत,ओएनएम सर्भे,सरुवा,नियुक्ति लगायतका निर्णयहरु गरेको छ ।
बिज्ञापन
मन्त्रिपरिषद्को मंसिर २५ र मंसिर २९ मा बसेको निर्णयहरु आज सार्वजनिक गरिएको हो । जस अनुसार, नेपाल न्याय सेवाका सहसचिव पुष्कर सापकोटालाई राजपत्राङ्कित विशिष्ट श्रेणीको पदमा बढुवा गरी प्रधानमन्त्री तथा मन्त्रिपरिषद्को कार्यालयको सचिव पदमा पदस्थापन गर्ने,,समाज कल्याण परिषद्को सदस्य सचिव पदमा सरोजकुमार शर्मा, महोत्तरीलाई मनोनयन गर्ने निर्णय गरेको छ ।
यस अघि मनोज भट्टको नियुक्ति प्रक्रिया अगाडि बढेकोमा सो निर्णय होल्डमा राखेर शर्मालाई नियुक्ति गरिएको हो । यस्तै,जेन जी आन्दोलनका प्रतिनिधि र प्रधानमन्त्रीबीच मिति २०८२ मंसिर २४ मा भएको सम्झौता अनुमोदन गर्ने र उक्त सम्झौता सम्वद्ध मन्त्रालयले उच्च प्राथमिकतासाथ कार्यान्वयन गर्ने निर्णय पनि क्याविनेटबाट भएको छ भने गत असोज ५ मा गठित जाँचबुझ आयोगको कार्यक्षेत्र थप गर्ने निर्णय भएको थियो,२५ मंसिरमा बसेको क्याविनेटले ।
बिज्ञापन
यस्तै अस्ति बसेको मन्त्रिपरिषद्को बैठकले प्रचलित कानूनमा व्यवस्था भएकोमा बाहेक सेवा प्रवाहको प्रक्रियामा कागजातको आधिकारिकताका लागि आय टिकटका रूपमा हुलाक टिकट टाँस्ने अभ्यास, प्रचलन वा व्यवस्थालाई हटाउने,सन् २०१६ नोभेम्बर ९ देखि निष्कासन भएका भारु २०० तथा भारु ५०० दरका नोट नेपाली वा भारतीय नागरिकले प्रतिव्यक्ति भारु २५,००० को सीमासम्म भारतबाट नेपालमा भित्र्याउन र नेपालबाट भारतमा लैजान स्वीकृति दिने निर्णय गरेको छ ।
स्ट्रन्थेनिङ पब्लिक फाइनान्सियल म्यानेजमेण्ट एण्ड डेभलप्ड सर्भिस डेलिभरी कार्यक्रमको लागि एशियाली विकास बैंकबाट प्राप्त हुने १०० मिलियन अमेरिकी डलर (करिव १४ अर्ब ३८ करोड बराबर) सहुलियतपूर्ण ऋण स्वीकार गर्ने,पवनकुमार शारदा र मुरारी लाल मुरारकाको संयुक्त नाममा दर्ता कायम रहेको सिराहा जिल्ला लहान नगरपालिकाको १ १५ १० विघा जग्गा तथा सोमा बनेको भवनको मधेस प्रदेश सरकारको रामकुमार शारदा उमाप्रसाद मुरारका प्रादेशिक अस्पतालका नाममा हस्तान्तरण गर्दा लाग्ने लाभकर आर्थिक ऐन, २०८२ बमोजिम छुट दिने निर्णय पनि क्याविनेटले गरेको छ ।
बिज्ञापन
आर्थिक वर्ष २०८२/ ८३ को बाँकी अवधिका लागि कृषि तथा पशुपंक्षी विकास मन्त्रालयअन्तर्गत सञ्चालित सिंचाई आधुनिकीकरण अभिवृद्धि आयोजनाको लागि अधिकृतस्तरका आठ पदहरूको अस्थायी दरबन्दी स्वीकृत गर्ने।
२०८२ पुस १२ देखि १४ गतेसम्म नेपालको काठमाडौंमा सञ्चालन हुने नेपाल–भारत संयुक्त कृषि कार्यसमूहको नवौं बैठकमा सहभागी हुने कृषि तथा पशुपंक्षी विकास मन्त्रालयका सहसचिको संयोजकत्वको नेपाली प्रतिनिधिमण्डल गठन गर्ने,युवा तथा खेलकुद मन्त्रालय र सम्बद्ध निकायको संगठन तथा व्यवस्थापन सर्वेक्षण गर्न पूर्वस्वीकृति दिने निर्णय पनि क्याविनेटबाट भएको छ ।
यस्तै,सशस्त्र प्रहरी अतिरिक्त महानिरीक्षकहरू नारायणदत्त पौडेल, बंशीराज दाहाल र गणेशबहादुर ठाडामगरको सरुवा, नेपाली सेनाका दुईजना महासेनानीको सहायक रथी पदमा र एकजना प्रमुख सेनानीको महासेनानी पदमा बढुवा गर्ने, छ जना उपरथीहरू र सातजना महासेनानीहरूको सरूवा गर्ने।
राष्ट्रिय योजना आयोगको रिक्त उपाध्यक्ष पदमा डा प्रकाशकुमार श्रेष्ठ र सदस्य पदमा प्रा सुनीती श्रेष्ठ (हाडा) लाई नियुक्त गर्ने निर्णय गरेको छ भने राजनीतिक दल तथा अन्य सरोकारवाला पक्षसँग संवाद, समन्वय र सहजीकरण गर्न कानून, न्याय तथा संसदीय मामिला मन्त्री अनिलकुमार सिन्हाको संयोजकत्वमा सञ्चार तथा सूचना प्रविधि मन्त्री जगदीश खरेल र प्रधानमन्त्रीका मुख्य सल्लाहकार अजयभद्र खनाल सदस्य रहेको उच्चस्तरीय राजनीतिक संवाद समिति गठन गर्ने।
